Coffee talk series ! :)

hello baby girls! how are ya’ll doing ?❤👯

صبآح الفلل إيفري ون ! :)

موضوع اليوم يبغآله جلسة ف جهزي لنفسك أي شي تحبيه 

من سنآك أو مشروبآت !👌😍

المفروض نزل أمس البوست ، بس رآحت عليه نوومة والله xD

النوع هذا من البوستآت حيكون ضمن سلسلة :

Coffee talk 

حتكون فقرة خآصه فينا وحتكلم فيها عن موآضيع اجتمآعيه غالبا!

لو حآبيين : تقدرون ترسلون اقتراحاتكم أو موآضيع معينة تبغوني أتكلم عنها

  ع الإيميل تبع المدونة ❤

❤ Love Yourself ❤   

أو 

 ❤  حبـي نـفــســك ❤   

أول شي لآزم نحطه في الإعتبار أنو :

 ربنا ماعطانا النفس هذي عشان نعذبها أو نهينها 

أو نحتقرها بأي شكل من الأشكآل ، 

ولا أعطآنا أكثر من حيآة بحيث انو الحياة الاولى مازبطت معاك سو 

حتعيشيها ثاني وساعتها تعيشيها صح ! 

No things doesnt work like that !

 You only live once , so you either live it or waste it 

هيا حيآة وحدة فقط ، ياتعيشيها مزبوط يا لا .. بكل بسآطة .

وبما إنو الحيآة مره ياخي انبسطي فيها وجربي فيها كل اللي تحبيه 

وماتبخليش على نفسك أبدآآ.😏💓

كيف تحبي نفسك وتقدريها :

أول شي :

* شعآري دآيما إنو مافيه بنت وحشة ، كل البنآت حلوين .... بس بالاهتمام .*

1 - آهتمي في نفسك من كل النوآحي لأنو الاهتمام صدقيني 

راح يعطيك ثقة في نفسك ! 

ولو كنتي مبتدأئة في مجال العنآية ومانتي عارفة الأساسيآت 

حسيبلك هذا الرآبط كتبت فيه عن أسآسيات العنآية بالبشرة 

حيفيدك مرره .❤

صدقوني الجمال مايبغاله ملامح معينة أبدآآآآ.

كلنا حلوين لمن نتحمم ونتعطر ونلبس ونتزبط بالشكل المعقول ، 

مافي وحده تسوي كل هذي الاشياء وماتطلع حلوه

 مستحيل . لاتحاولو تقنعوني عكس كذا..

2 - لاتخلي رأي النآس يأثر فيك ولاتتغيري عشان النآس \ لأن 

كل شخص فيهم عنده معيآر معين للجمال !

 تكون مثلا شايفه شي معين مرره جميييل لكن إنتي مايكون عاجبك ! 

تقومي تغيري من نفسك عشآنها ؟ ليش .

ترا الهرجة أبسط من كذ بكثيير 👇

👈اللي ينآسبك طبيعي ماينآسب غيرك واللي يناسب غيرك طبيعي مآينآسبك

وصدقيني لمن تسوي شي عشان الناس ; ماحيجملك بل بالعكس.👉

3 - حبي نفسك !💗

مين حيحبك إذا إنتي كارهة نفسك :( 

تقديرك لنفسك واهتمامك راح ينعكس على الناس ، ف لو إنتي مهتمه وواثقة 

في نفسك  الناس حيشوفوك بنفس النظرة اللي إنتي شآيفة فيها نفسك ❤

سوي لك جدول : 

- كل أسبوعين ، احجزي في صالون  بدكير ومنكير مثلا .💅

" طبعا أنآ عآرفة إنو مو لآزم تروحي صآلون وكذا ، طبيعي تقدري تسويها في البيت وبنفسك ، بس من باب التغيير فقط 💖"

- كل فتره وفتره جددي وغيري شي في نفسك ، مثلا اصبغي شعرك قصي شعرك ترا التغيير مررررره شي جمميل ويجدد النفسية .💇

- خصصي يوم في الأسبوع  لزيارة الناس اللي تحبيهم 

واللي قلبك يرتآح لهم ❤

- برضو خصصي يوم أو يومين في الشهر جلسة مسآج وحمام مغربي .💆💫

- اشتري بيجآمة جديده ، تي شيرت ، عطر، حاجات لطيفة زي كذا .💕😍

 - كل فتره وفترة غيري روتينك!سوي شي جديد كل مره عشان ماتطفشين .

- استغلي وقتك في الشي المفيد واللي يبسطك / اتفرجي فلم أو مسلسل ،

 تابعي برآمج تحبيها! وثقفي نفسك بشكل عام في كل شي .

- حآولي قد ماتقدري ماتحيطي نفسك بنآس سلبية عشان صحتك والله .

❤

||| والأهم من كل شي |||

حآولي إنك مآ تجبري نفسك على شي ماتبغيه!أو تربطي نفسك بآشخاص مايلزمو آنهم يكونو في محيطك ..

 بس لاتاخذو كلامي بالمعنى الحرفي برضو  لانو مرات في أشياء ماترضينا بس مالنا إلا  نتعايش معاها ..

دآئما بعدو عن النآس السلبيين ، مانستفيد منهم شي والله ، لكن نقدر 

نستبدلهم  بنآس إيجآبيين ولطيفين يفتحون نفسنا للحيآة.

آخرر شي :

العمر مرة ، آنبسطي وارقصي وغني وحبي الحيآة  
ولاتزعلي نفسك لأنه مافي شي يسوى...حرفيا! 💕

أتمنى إنو بوست اليوم أعطآكم دآفع ولو بسيط ، ولو عندكم إضافات أكتبوها !

 وبكذا أقدر أقول السبت هذا كآن آخر بوست من سلسلة بوستات الشهر هذا😍❤

لو حآبيين بوستات معينة أتكلم عنها أكتبولي تحت في الكومنتس ،

ولو حآبيين أسوي سلسلة أسبوعية كمآن أكتبولي تحت 

وإن شاء الله أسويها 😍💕

okay im gonna go now cupcakes :)

stay close and Enjoy your time.....💕

* ملاحظه صغنونه * 

لو حابيين تتعرفو عليا أكثر تابعوني ع الإنستقرآم ✿.✿

حيكون فيه شوية يوميات ، وكمان أبغا أضيفكم وأتعرف عليكم :")

ماحيكون شي مرره رسمي أبغاه يكون بسيط ولطيف كذا! ❤