The Face Shop haul p3 | مشتريآتي من ذا فيس شوب ج 3

❤   ❤   ❤   ❤ 

الجزء الثالث من :

مشتريآتي من ذا فيس شوب 

 الأول \ الثاني 

❤  ❤   ❤   ❤ 

مرره أحب المآركة هذي وجربت من عندهم منتجات كثيره كمان!

*اللي استنتجته من بعد تجاربي لمنتجاتهم :*

أحس منتجاتهم تناسب غالبا البشره الآسيوية ، خاصصة كرريمات الترطيب حقتهم ،

مثلا كريمات الترطيب المخصصه للبشرة الدهنية المفروض تكون مطفية

بس كريماتهم للاسف غالبا تعطي لمعة + ترطيب وأحيانا يكون ترطيب مبالغ

 فيه حبتين بس طبعا تستفيدين من هذا الترطيب كله لو خليتيه في روتينك الليلي ،

 وفي الصباح تستخدمي كريم نهار خفيف وماله لمعه  زي :

- كريم الترطيب من كلينك مرره حلو.

- كريم النهارمن مجموعة tea tree من بودي شوب جمميل مره.

أما لو كانت بشرتك جآفة أتوقع راح يناسبك ترطيبهم مرره ..

آني وآي ندخل في المشتريآت :)

Real blend 

deep cleansing oil

زيت مزيل للميك اب 

مررره حبييته صرآآحه ، يزيل ميك اب الوجه والعيون بكل سهوولة..

+ 

فيه من جوا نبتة وطالعة منها ورود صغيره معطية ريحة جميلة للزيت.

بالنسبة للأسعار شكلي رميت الفاتورة بالغلط ف سوري ماقدر أعطيكم نبذة عن الاسعار

Chia seed fresh foaming liquid cleanser

غسول للوجه للبشرة الدهنية أو المختلطة

جربت قبل من عندهم غسول الفحم وكان عليه إقبال كثيير عليه وكذا بس 

مرره ماعجبني للأسف.

تنظيفه كان خفيف ماحس وجهي ينظف بعده :|

أما هذا حبييته بقوووه ، ينظف البشره مزبووط ومايجففها بما إنه مخصص للبشره 

الدهنية ونقطه منه حررفيا تكفيك .

Green tea 

waterfull serum 

سيروم للبشره الدهنية أو المختلطة \ من مجموعة green tea

قوآمه سآيل تقريبا ، تستخدمينة بعد التونر

 ضغطتين أو 3 تكفيك ، وبعدها امسحيه ع وجهك بطريقة دآئرية + من جوا لبرا

 < اتوقع فهمتو قصدي :)

النتيجة :

ترطيبه حلو للبشره ، يخليها طرية كمان..طبعا بعد السيروم

 تستخدمي كريم الترطيب حقك..

White jewel peeling

مقشر للبشرة

المنتج هذا فيني عنه من زمآآن ؟؟ أتعب وأنا أقوول خطيييير .

من جوة فيه حبيبات صغيره كثيره ولمن تبدأي تقشري فيه وجهك يسير ملمس المقشر

 زي الجلد الميت ! ماعرف كيف أشرحه لكم بس شوفو عنه ريفيوز في اليوتوب

تقدروون تستخدمونه حرفيا لأي منطقه في الجسم يبغالها تقشير وترا تقشيره خفيف 

في نفس الوقت مايجرح البشره ولا أي شي / سار من المنتجآت المفضله عندي 

واللي اذا خلص أرجع أشتريه !

طريقة استخدامه :

خذي كمية كافيه تقريبا من المقشر وقشري فيها وجهك وهوا مترطب بس مو مره .

أول شي غسلي وجهك بالغسول بعدين نشفيه وبعدين استخدمي المقشر.

وبعدين غسليه بمويه دافية.

راح تلاحظي بشرتك سارت أنعم من قبل .

Herb day 

lip and eye remover 

waterproof

مزيل ميك اب للعيون والشفايف \ عبارة عن زيت وشوية مويه

قبل الاستخدام لازم ترجي العلبة مزبووط !

قبل كنت أشيل ميك اب العيون والمسكرة بزيت الزيتون وقسم بالله 

كنت أنعمي فتره بعدين ترجع عيني طبيعية بسبب الزيت :(

صح كان يشيل الميك بس كان يعورني في عيني ، ف شلت فكرة إني أشتري

مزيل زيتي للعيون ... ولمن شفت هذا قلت خليني أجرب والحمدلله جربت

سرت أحط ماسكرة ولا أشيل همها أبددددا ، أحط شوية من المزيل في قطنة دأئرية

 وأمسح فيها عيني وحواجبي كمان!

شخصيا أحب كريمات ذا فيس شوب مررررره..

وأخذت هذا بهذا الحجم عشان ماعندي كريم للشنطة ، ترطيبه حلو وريحته حلوه 

مناكير شفافه وفيها قلتر..جمييله وخصوصا لمن تحطيها 

فوق أي لون لكن \ ماتنمسح بسرعه للأسف

مناديل مزيلة للميك اب للبشرة الدهنية المفضله للأبدددد عني مآحتاج أتكلم عنها.

ماسك للترطيب \ أحب أستخدمها قبل ماحط ميك وقبل مانام..

Foot peeling mask

المفروض انه يقشر الجلد الميت كامل بس مادري ليه مازبط 

معايا لا أنا ولا أمي ولا أخواتي كمان!

طريقة استخدامه :

تلبسي الشراب وبعدين تصبي المحلول كامل وتجلسين بالشراب لمدة ساعه وبعدها تغسلي رجلك عادي

وع اليوم الثالث أو الرابع المفروض تبدأ تتقشر رجلك ، وتستمر الين اليوم الثامين أتوقع 

المهم العملية كلها حتاخذ أسبوعين تقريبا ! وبعدها تسير رجلك صافية مافيها جلد ميت ..

اتبعنا التعليمات مزبووط والله :| بس مدرري ليه مازبط معانا أبددددا..

❤ 

❤ 

❤ 

وبس والله هذا بوست اليوم أخيرا خلصصته .. أكتبه وأنا نفسي أطلع مكان

 وطفشانه في نفس الوقت :(

بس اني واي استمتعوو وانتو بتقروه 

وأتمنى لكم سهره جمييلة ......❤.❤