L’Occitane Haul | مشتريآتي من مآركة لوكسيتان + ريفيو

❤ Ⓛ Ⓞ Ⓒ Ⓒ Ⓘ Ⓣ Ⓐ Ⓝ ❤

مآركة لوكسيتان :

ماركة فرنسية ، منتجآتهم طبيعية نبآتية متخصصة في العنآية بالبشرة والجسم .

يلا نبدأ في الريفيو !

Body Shower Oil 

زيت استحمام للجسم ، تدهني جسمك فيه وتسوي مساج بسييط وبس تجي المويه عليه حيسير صابون تماما! برغوة وكذا ..

ينظف الجسم وفيه نسبة ترطيب بسييطه ❤ مآستخدمه كل يوم صرآحه مره في الاسبوع .. لاني أطوول لمن أسوي مساج وكذا ..

بــ 185 ريآل.

Dry skin hand cream 

كريم ترطيب لليد مررره جمييل ، يحتوي على 20% زبدة الشيا!

وأنا انسآنة مستحيل أشتري كريم مافيه نسبة من زبدة الشيا ، 

أو أي نوع زبده حتى ❤

الاحجام الموجوده :

*  30 مل بـ 49 ريال .

* 75 بـ 99 ريال.

* 150 بـ 149 ريآل.

الحجم اللي عندي 150 ملل..

واذا تشوفو السعرحبتين غالي عادي فيه بديل أكييد :

- كريم ترطيب اليد من ذا فيس شوب .

أتكلمت عنه بالتفصيل هنا  بـ 119 أتوقع .

كل كريمات ذا فيس شوب جمييله صراحه وأسعارها متسوطه تقريبا.

* كريم جونسون من الصيدليه :

         

فيه اللي تجي بعلب زي كذا وفيه اللي تجي عصار مثلا ..

* كريم دوف.

وتلاقو منه عصار كمان .

- كريمات St.Ives

مررره كويسسة المآركه هذي ، وكل اللي فوق كمان ، ماركآت أسعارها

 من رخيص لمتوسط \ ومتوفرة في كل السوبرماركتات كمان ..

الكريمات اللي في الصور هذي جربتهها وحابتها كمان .. بس حاليا عندي 

غيرها ف عشان كذا ماعندي صور لها صرآحه ..!

❤❤❤

Ultra rich Lip balm

مرطب شفايف ،  برضو فيه 10% زبدة شيا 

ترطيبه جميل جدآ وريحته حلوه كمان .

بـ 49 ريآل.

supple skin oil

بخاخ بزيت اللوز للجسم \ بـ 239 ريآل.

بالنسبة لي كيف أستخدمه :

أخذ شوية من زبدة الشيا الأفريقية (زبدة خام أو طبيعية 100%)

وأبخ من الزيت في يدي وبعدين أمسح فيه جسمي !

بس طبعا تقدرو تستخدمو زيوت أرخص من كذا ، روحو العطاره أو الصيدلية كمان

تقدرو حرفيا تسخدمو زيت الاطفال حق جونسون :) أختي تستخدمه وحابته مره..

النتيجه النهآئية :

جسم مترطب مزبوط ومافيه تدبيق في نفس الوقت وبشرة نآعمه كمان.

أعطيه 7 من 10 صرآحه  لأن سعرة غآلي بس نتيجته مقآرنة بالسعر مو قد كذا!

بينما زيوت عاديه تكون من العطآر سعرها مآيتعدى الـ 20 ريال وترطيبها يكون مرره  جمييل..❤

Nail and cuticle nourishing oil

زيت الشيا لترطيب الاظآفر والمنطقه اللي حوالينها بـ 105 ريآل

حلو ترطيبه بس زيه زي أي زيت صرآحه ، فيه بدآيل كثيره له زي :

- زيت اللوز من بودي شوب أرخص بكثير أو أي زيت مناسب للبشره من العطارين .

عن نفسي إذا خلصت حقي حشتري من العطار،

أسعارهم ماتتعدى ال50

❤  ❤  ❤  ❤  ❤  ❤  ❤