Sephora Haul | مشتريآتي من سيفورا 2016

❤  ❤  ❤

❤  ❤  ❤

ندخل في المشتريآت على طوول!

1 - برآيمر they’re real للرموش من بنفت لونه بني.

تحطي البرايمر أول بعدين تحطين ماسكرتك المفضله \ النتيجة :

تكـثـف الرموش وتطولها كمان .

أما اذا استخدمتي البرايمر لحاله يعطي لوك طبيعي مرره للعين .

an amazing primer for the lashes 

its a brown mascara from benefit

you can use it as a daily natural look

2 - برآيمرStay Dont stray  للعين ولمنطقة الهالات من بنفت.

تحطين كذا نقطه منه فوق العين وتحت العين ، بعدين ادمجيهم كويس 

وآبدأي في الظل وكذا.

- اش وظيفة البرايمر هذا ؟

يثبت الظل .

-وظيفة البرايمر بشكل عام ؟

يثبت الميك أب.

3 - ماسكرة better than sex من too faced 

حبييتها! تكثف الرموش وتطولها كمآن .. وعموما أنا رموشي

 طويله وكثيفة شوية فأي ماسكره تطلع حلوه عليه إحمم ..xD

4 - قلم حوآجب من بنفت - لونه بني درجته 3

وزي مانتو شايفين له جهتين : 

جهة على شكل ماسكرة + وجهة القلم.

معلومة مهمه :

"لاترسمي حواجبك كلها بالقلم وتلونيها برضو بالقلم عشان شكلها حيكون مرره fake و مرره غلطط"

لـكن \حددي أطراف حواجبك بالقلم بعدين عــبـيـها

بأي بودرة حواجب عندك ، بعدين مشطي حواجبك بشكل خفيف

 عشان تدمجي اللون وترتبيها شوية..!

5 - مآسكرة Gimme brow من بنفت للحوآجب!

لونها بني درجتها 3

بعد ماتمشطي حواجبك آخر خطوه استخدمي الماسكرة هذي

 عشان تثبتي رسمة الحواجب !

6- البخاخ الكيوت هذا ❤ من توني مولي ، موجود في سيفورا.

بخاخ مرطب ومنعش للوجه :)

7- عطر تيرآكوتا من قيرلان بـ 395 أتوقع.

ريحته ياسمين مع بودرة مع مسك  < بالزبط كذا..!

ينفع يكون عطر صبآحي مرره ❤

8- آخر شي اشتريته : 

Naked skin one and done من Urban decay

أنا كنت رآيحه أساسا ع أسآس أشتري فاونديشن تكون تغطيته كويسه 

لانو أولريدي عندي بيبي كريم ؟!

قامت الموظفة اللي في سيفورا طلعت لي هذا ، غلطتي

اني ماقريت عنه قبل لا أروحلهم لأنو بصرآحه

قابلت كذا وحده لمن آسألهم عن شي معين مايكون عندهم 

معلومه عنه ولا آي شي ، بس طبعا زي مافي ناس ماعندهم

خبره آكيد حتلاقي ناس عندهم خبره برضو بس انتي وحظك.

"سووري بس كذا مره أروح وفعلا مايكون عندهم خبره في المنتجات

بس طبعاا أكيد مو كلهم بالعكسس ..أنا اتكلم عن وحده أو ثنتين

بالكثير ، بلييز ماحدا يزعل :") 

برضو الأحسن انك تاخذي معلومه عن اي شي تبغينه قبل لاتشترين !

و الفتره هذي بصرآحة  ماكنت أتابع اش الجديد في الميك اب وكذا.. 

المهم : 

المنتج هذا ماهو فآونديشن ولا بيبي كريم بس يميل للـ بيبي كريم أكثر.

هوا يعتبر مكمل للفاونديشن .. بحيث انو يكون

يحتوي ع نسبة ترطيب + واقي من الشمس 

ويصحح عيوب البشرة بنسبة بسيطة.

تجربتي معاه :

مآقدر أقول عنه فآونديشن صرآحة لأن تغطيتة كانت جددا خفيفه ،

واضطريت إني أحط كذا طبقه وبرضو مافي فآيده .

بس كيف غطيتها او حولته لفاونديشن بالأصح :

عاملته معاملة البرايمر - استخدمت طبقه وحده منه وبعدها 

أستخدمت فاونديشن .

وعشان تاخذو فكرة عن كمية التغطيه اللي يعطيكم هيا هذا المنتج : 

أنا بشرتي دهنية وعندي مسامات بسيطه حولين منطقة الانف

وأعلى الخدود وعندي حبوب بسيطه في الخدود ومنطقة الدقن .

"لاحظو إن ماعندي عيوب كثيره أو قوية ، لا حبوب جدا

 بسطيه وصغيره"

* من أول طبقة طبعا مايغطي الشي الكثير بس يعطي :

 صفاء بسيط للبشره ، وهنا أعتبره بيبي كريم أنا.

* أما لمن أحط منه أكثر من طبقتين : يغطي بس تغطية

أقل من متوسطة وماتنفع تكون تغطية فاونديشن .

- بس كـ بيبي كريم : أقدر أقول عليه مرره كويس ،

 يوحد لون البشرة بنسبة بسيطه

ولا يغطي كل عيوب البشره - وحرفيا الميزه هذي

 تعجبني في الميك اب اليومي والـ بيبي كريمز بشكل عام ..!

الدرجة اللي أخذتها : Medium light ومرره ناسبتني.

نقطه ثانية :

المنتج هذا يناسب البشرات المختلطه والجافه

أكثر من الدهنية لأنه يعطي لمعة بسيطه 

وماهو مطفي بشكل عام !وفي نفس الوقت لمن ينشف

يبدا يقلب ع بودرة بس بدرجة خفيفة !

<< يارب تكونو فهمتو :")

 عموما انتو روحو أقرب فرع لسيفورا وجربو بنفسكم"

بس لمعة عن لمعة تفرق في نظري XD

شخصيا - مرات أحب أخلي الميك اب حقي فيه لمعة بسيطة ،

 يعطيني لوك صحي أكثر ومرات أحبه مات تماما .. فـ انتي وذوقك :) 

وبسس..هذي كانت مشترياتي من سيفورا ،

 بالنسبه للأسعار الفاتورة ضاعت للأسف

مع اني أحاول قد ماقدر أكتب الاسعار

 عشان بجد يكون عندكم فكرة وتحسبو حسابكم كمان .

فكرت اسوي بوست أخليه شامل لمشترياتي الاخيره

بس اختكم في الله قضت نص المول :]  فـ كسسلت مرره أصور

كل حاجه ف كنسلت الفكره :(

في الختآم! :)

يارب أكون أفدتكم ولو بشي بسييط ،