My Morning - Night Routine p3 | روتيني الصبآحي والمسآئي 3

The English version is gonna be up soon!
Sorry for always skipping it :$

مسآآئكم جمال وروقآآن ، جهزو مشروبكم المفضل ويلا خلونا نبدأ ✿

الروتين الثالث لي أكتبه من يوم مابدأت أدون :)

بالنسبه للروتينات اللي كتبتها قبل لو حابين تشوفوها كمان افتحوا الروآآبط ^^

The Third routine i write since i ever start blogging! :)

\

if you wanna know what my morning \ night 

routines are for the past tow years Click these 2 links..^^

- part 1

- part 2

♡  ♡  ♡

"البوست هذا أخذ مني كثييير عشان ينزل! كل ماجيت أكتبه يسير شي ، مره النت يفصل ومره انقطع فيش النت برضو وجلسنا تقريبا أسبوع بدون نت وقروششه مره :|

ومره اللاب علق :"((  بس ماعلينا! توداي از ذا داي xD"

♡  ♡  ♡

نبدأ بالغسول : 

desert essence \ thoroughly clean face wash

للبشره الدهنية أو المختلطه..!

الماركه هذي  desert essence منتجاتهم طبيعية ، عشان كذا اتحمست أجرب ولو منتج عندهم!

 بالنسبه للغسول :

حبييته مررره ، مايجفف بشرتي ولا يدهنها زيآدة "لأني قريت تجارب 

لبنات مانفعهم وكانو يشتكوو من هذي الحاجتين اللي كتبتها"

يظف البشره بطريقه لطيفه صرآحه ، أستخدمه مرتين في اليوم .

اشتريته من حساب وحده في الإنستقرآم ----> i pure store

♡  ♡  ♡

تونر > Sebo من Yves Rocher 

للبشره الدهنية والمختلطة .

فيه الأحسن منه ، عيبه يدبق حبتين ، كان عندي واحد من كلينك أفضل منه صرآحه ، وكمان كان عندي واحد من بودي شوب وبرضو مرره كويسس.

عموما ماستخدمه كثير،3 مرات في الأسبوع ! هذا النوع مكتوب عليه تستخدميه على الوجه والعين كمان..مرات أمسحه مسحه سريعه في منطقة الهالات .

بس نادر ماستخدمه على عيني مافي سبب معين ... اشترتيه بـ 55 ريال .

❀  ❀  ❀

كريم الترطيب : Sebo

Zero blemish gel cream

للبشره الدهنيه والمختلطة.

كنت أستخدمه مرتين في اليوم ، مره في الصباح ومره في الليل!

جميل يخلي البشره طرية وناعمه xD بس حطي كمية قليله منه.

مرات استخدمه قبل الميك أب وفعلا يزبط ،

 بس برضو فيه الأحسن منه :
* كريم النهار من بودي شوب أفضل كريم آستخدمته صرآحه ، لأنه يرطيب ويعالج الحبوب في نفس الوقت، 
* آستخدمت كريم من كلينيك برضو ، حلو ترطيبه بيرفكت بس مايعالج الحبوب بس يرطب البشره عشان كذا فضلت حق بودي شوب عليه ، كريم كلينيك أعتبره شي أساسي عندي لأني آستخدمه قبل الميك آب حاليا مخلص بس ان شاء الله حرجع أشتريه ..

 سعره بـ 75 أو 65 شي زي كذا!

♡  ♡  ♡

كريم ترطيب ثاني :

Vitamin C & sea buckthorn 

الماركه المنتجه : Now

للبشره المختلطه لـ الجافه

 مرات استخدمه في النهار وفي الليل 

ومرات في الليل بس !

نسبة الترطيب فيه متوسطه بما إنه يناسب البشرات الجآفه!

وأنا بشرتي دهنيه ومايناسبني إلا كريمات الترطيب اللي خامتها تكون جل ،
بس ليش طلبته : 

وقتها كانت منتجاتي مخلصه من فتره ، جلست شهور ماستخدم شي لوجهي شي
اللهم أغسله بصابونه عادية ، أوكي تنظف بشرتي بعدها بس بعد كذا تسير جافه لأني مارطبها! ليه ؟ مافي كريمات للأفس :(

فـ طلبت هذا لأني فعلا كنت آحتاجه ، وقتها بشرتي انعدمت وطلعت لي حبوب صغيره في أماكن كثيره :( 

وأتعب وأنا أقول رهيب ، من جد رجع لي بشرتي رطبه وصحيه وفيها نضآره مرره ، أي شي فيه فتامين C معروف إنه يجدد البشره ويعيد بنآئها ويعطي نضاره من قلببب ، و وقتها عشان بشرتي كانت في حاله يرثى لها عشان كذا نفعني !! بس في الفتره هذي وقفته وسرت أستخدمه في الليل بس وفي النهار أستخدم Sebo 

الكريم اللي قبله xD  

وقفته ليه ؟

بعد ماتحسنت بشرتي خلاص تركته , لأنه ماينآسب البشرة الدهنية 

بما إنو كريم وفيه نسبة ترطيب أعتبرها كثيره على البشرآت الدهنية ..

بس زي ماقلت وقتها بشرتي كانت نوعا ما مختلطة وناشفة شوية 


ف نفع معاها الكريم ..

برضو طلبته من الإنستقرام "نفس الحساب اللي فوق "

♡  ♡  ♡

كريم الكولاجين من Liposomes 

الخطوه هذي كانت جديده عليه ، ماقد استخدمت شي فيه كولاجين من قبل ، وعمري لسا صغير على كريمات الكولاجين طبعا!

فيه ناس تقول السن المناسب يكون من 25 وفوق وفيه ناس تقول لا من 30 وفوق !!

أنا استخدمته ليش ؟؟ زي ماقلت قبل ، بشرتي فعلا كانت معدوومه ومافيها أي حيويه ،

تحتاج إعادة بناء صرآحه  << حسيت وجهي عماره بس حبيت الكلمة xD >>

 عشان كذا طلبته.

كيفية الإستخدام لو كان سنك مناسب ؟

هما كاتبين يستخدم مرتين في اليوم : في الصباح والمساء ، هذا للناس اللي فعلا يحتاجو الكولاجين ، أو للي أعمارهم منآسبه زي ماقلت .

بس أنا كيف كنت أستخدمه !!!

في روتيني المسائي بعد مارطب بشرتي بعد التونر وهيك آخذ منه كمية بسييطه وأحطه على وجهي بالطبطبه ، أو المسح البسيط ...

وأسـيـبه لليوم الثاني في الصباح وأغسل وجهي عادي وأبدأ بالروتين الصبآحي .

 كنت أستخدمه في الروتين الليلي ومرتين في الأسبوع زي ماقلت ، فعلا حسيت بتغيير في بشرتي ، بالذات أول ماصحى ، بشرتي تكون مره رطبه وصحيه بما إنه كولاجين ،

بعد ماتحسنت بشرتي سرت أستخدمه مره في الأسبوعين ، وبعد كذا مره كل كم شهر !!

عدد مرات إستخدامي للكريم مو كثيره صرآحه يمكن 10 مرات ماكسيموم ..

وحاليا موقفته من فتره ، الحمدلله رجعت بشرتي زي ماكانت وماسرت أحتاجه .

- له طريقه ثانيه للإستخدام : 

تقدري تستخدميه قبل الميك أب ، بعد ماترطبين بشرتك بكريمك المعتاد ، خذي كميه جدا بسيطه من كريم الكولاجين وطبطبي فيه ع بشرتك وسيـبيه شويا
عشان تتشربه البشره وأبدأي سوي الميك أب.

جربته بالطريقه هذي قبل كذا وكان كويس ، مفعوله زي مفعول أي كريم مرطب يستخدم قبل الميك أب.

"طلبته من الإنستقرآم من الحساب اللي فوق"

♡  ♡  ♡

مقشر للوجه : Vitamin C & oryza sativa

من Now

جميل حبيتته مرره ، فيه نسبة ترطيب بسيطه لأنه زي ماذكرت قبل يناسب البشرات الجافه ، 

فـ تحسين فيه شوية زيت مثلا ؟! يعني المفروض المقشرات اللي  تكون خاصه بالبشره الدهنية تكون خاليه من الزيوت صح ، بس هذا لا فيه نسبة بسيطه ..

إلى الآن أستخدمه وحابته مره ، في بداية إستخدامي له كنت أستخدمه يوميا بس مره في اليوم عشان يقشر لي بشرتيبما إنها كانت مش ولا بد ،
بعد كذا سرت أستخدمه مرتين في الأسبوع .. وإلى الآن هذي طريقتي ..

وبما إنه يحتوي ع فيتامين c يعطي نضاره مع الوقت ، أساسا بعد ماتقشرين وجهك فيه راح تلاحظين إنو فعلا سار كذا منور xD

"برضو طلبته من الحساب اللي فوق"

♡  ♡  ♡

ماسك النعناع 

للبشرات الدهنيه واللي فيها مسامات .

من الماسكات المفضله عندي ليه ؟

- أول شي علبته كبيره ويكفي لفتره طوييله .

- ثاني شي : ينظف البشره زيه زي أي ماسك.

- ويعالج الحبوب أسرع من باقي الماسكات

 "عدا ماسك واحد"

- ينظف المسامات مزبووط ويصغرها مع الإستخدام!

ولاحظت هذا الشي من أول استخدام ، جلست أتأمل في المسامات نظفها من قلب صرآحه.

الماسكات اللي كنت أستخدمها قبل كانت صح تنظف البشره 

وتنظف المسامات بس تنظيف بسيط ..

أستخدمه مرتين في الأسبوع 

كنت مخصصه يوم الإثنين والربوع للماسكات 

بس بعدين غيرت الجدول :

سرت أستخدم الماسكات كل سبت وربوع!

عشان بعد الويك اند والفله وهيك وجهي يسير يبغاله ماسك وبقوه.

بعد ماشتريته صرت صرآحه مافكر أشتري ماسك غيره ، 

"طلبته من الحساب اللي فوق"

♡  ♡  ♡

أفضل مآسك بالنسبه لي على وجه الكره الأرضيه لول! 

ماحكتب تجربتي عنه هنا ، حسويها في بوست ثاني وحيكون مقارنة بينه وبين كل الماسكات اللي أستخدمتها قبل!

لو كانت بشرتك دهنيه حينفعك ولو كانت جافه لاتغامري ، لأنو تنظيفه عميق جدا 

ومعالج قبل كل شي ، فـ ممكن يجفف بشرتك زياده واللهو اعلم :|
شخصيا بشرتي دهنيه وجربته عليا بس ، فـ اللي بشرآتهم جآفه 
تقدروا تبحثو عنه وتشوفو تجآرب البنات كيف !! :)
أتوقع حيفيدوكم أكثر مني :$

♡  ♡  ♡

أخر خطوه ترطيب الشفايف ..

- cocoa butter lip  care stick

من ذا بودي شوب.

- Seba med lip defense

for dry and chapped lips

من بنده أو أي صيدلية.

أكثر مرطبيين أعشقهههم ، مرطب بودي شوب أستخدمه في الليل لأنه زبده ومرات عادي أستخدمه في أي وقت.

والثاني جدددا جمييل أستخدمه طول اليوم بس وقت الليل أغيره وأحيانا برضو أستخدمه حتى في الليل! 

Honestly الاثنين أستخدمهم متى ماحبيت ......

واااو...أخيررا خلصت كتابة :| حرفييا أطوول بوست كتبته من يوم مابدأت التدوين إلين ذحين xD

أتمنى انه يفيدكم ولو شوية ، وإذا تجاربكم غير تجاربي فـ بليز أكتبوها في الكومنتس تحت عشان الكل يفيد ويستفيد :)

* ملاحظه صغنونه * 

لو حابيين تتعرفو عليا أكثر تابعوني ع الإنستقرآم ✿.✿
حيكون فيه شوية يوميات ، حنزل فيه كمان تحديثات لو نزلت بوستات جديده ، وكمان أبغا أضيفكم وأتعرف عليكم ياخي :")
ماحيكون شي مرره رسمي والصور ماحتكون مرره احترافيه :| أبغاه يكون بسيط ولطيف كذا! ❤

♡  ♡  ♡