فرش أساسيه للميك آب | basic makeup brushes

7 فرش ممكن تعتبر أسآسيه وكل فرشه لها غرض معين .

وممكن نختلف ليه لا , بالنسبه لي أشوفها أسآسيه وممكن لوحده غيري تشوفها لا ! جدا عادي 

في النهآيه أختآري اللي يرييحك :)

- الفرشه الأولى :

"صوره ثانيه بشكل أوضح"

فرشة الفآونديشن .

فيه بنآت يستخدمو فرش وفيه اللي يستخدمو البيوتي بلندر , أنا طبعا أفضل الفرش. 

الفرشه  هذي من سيقما رقمها 80 

مرره كويسسه تعطيك تغطيه تقريبا كامله , آستخدميها بطريقه دآئريه أسهل !

وانتي بتستخدميها لا تضغطي عليها بقوه لانها حتسير شويه ثقييله في الدمج .

يعني ادمجي بشويش وخذي وقتك في الدمج برضو! :) 

ولو ماعندك طولة بال آشتري وحده غيرها! لأنها تآخذ وقت في الدمج صرآحه  "مآدري يمكن بس أنا شايفتها كذا :| "

يعني لو أقارن بينها وبين فرشتي اللي من سيفورا : اللي من سيفورا أسرررررع في الدمج بكثيير بس تعطي 

تغطيه خفيفه .

آشتريتها من حسآب في الإنستقرآم : Elegant Makeup

بـ 100 ريال.

وبالنسبه لطريقة الطلب وهيك حتلاقوها في هذا البوست :)

- الفرشه الثآنيه :

فرشه لـ بودره الوجه , فايدة البودره بشكل عام تثبتلك الميك آب وكذا تخلي اللوك النهآئي صافي ونظيف ومآت أو مطفي . وطبعا مره مهمه للبنآت اللي بشرتهم
دهنيه . 

من Costal Scents رقم 2

برضو طلبتها من الحساب اللي فوق ! :) 

- الفرشه الثآلثه :

فرشة الكونتور.

يمكن شكلها مو وآضح مره هنا بس هيا مآيله شويه , منآسبه مره للكونتور!

من Costal Scents رقمها 5

- الفرشه الرآبعه :

فرشة البلاشر .

طبعا تقدري تستخدمي أي فرشه تشوفيها منآسبه مو شرط تآخذي نفس الفرش أو المآركات اللي أنا عارضتها هنا تحديدا!

أبددا...اللي ينآسبك آشتريه ❤

الفرشه هذي من ذا بودي شوب نسيت سعرها والله .

- الفرشه الخآمسه :

فرشة دمج للظل . 

لكن ماتدمجي فيها كل العين :

بس المنطقه هذي اللي هيا 
"قوس الجفن المتحرك"

من سيقما رقمها E35 برضو طلبتها من الحساب اللي فووق xD 

ب 120 أتوقع 

زي ماقلت قبل :

 مو لازم نفس الماركه , عندي وحده ثانيه من مكيآجي وبرضو مررره كويسسسه .

ناسيه سعرها بس ماتوصل 100 ريال.

- الفرشه السادسه :

الفرشه هذي لمنطقة 
"الجفن المتحرك" 

زي مآنتو شايفين هنا : 

ولمن تجي تحطي ظل ع المنطقه هذي لاتحطيه بطريقة المسح ! لا. بالطبطبه

عشان يبآن اللون أكثر 

وبعدين بنفس الفرشه امسحي ع اللون كامل مسحه مره خفيفه وبسيطه بس عشان يندمج شويا!

من Costal Scents رقمها 15

- الفرشه السآبعه :

فرشة للحوآجب . 

الفرشه هذي مررره كويسسه , من آناستآزيا رقمها 12 

لها جهتين طيب , الجهه الثانيه :

فايدة الجهه هذي توزع لك البودره وتدمجها مع شعر الحوآجب مزبووط.

آشتريتها ب 90 أو 80 ريال أتوقع , وبرضو من الحساب اللي فوق .

❤ ❤ ❤ ❤ ❤ ❤ 

أكييد مو لازم تستخدمي كل هذي الفرش , زي مثلا:

- فرشة الكونتور \ تقدري تستخدميها للبلاشر برضو .

- منطقة الجفن المتحرك تقدري تستغني عن الفرشه وتستخدمي يدك.

 مو شررط مره تمشين ع شي معين :)

❤ ❤ ❤ ❤ ❤ ❤ 

what i consider basic makeup brushes !!

starting with the First brush from the RIGHT!

- Foundation brush from Sigma F80

- face powder brush from Costal Scents number 2

- a Contour brush from Costal Scents N 5

- Blusher brush from The Body Shop 

- blending brush foe the eye crease from Sigma E 35

- a stippling brush for the eye lid from Costal Scents N 15

- a brow brush from Anastasia N 12

❤

❤

❤

❤ of course it could be More or could be Less.

but thats what i consider as a Basic brushes ❤