عنآيتي في شعري

ماحبيت أكتب الترجمه العربيه في نفس البوست اللي فات عشان لايبآن انو كلام كثيرر ومدري آيه ! 

عن نفسي لما أشوف بوست مليآآن كلآم أطفش بسررعه وأنا يادوب بديت أقرآ -.-

.

.

أوكي ندخل في المهم :

- نوع شعري دهني .

- لاهوا ناعم ولا هوا خشن , تقريبآآ وسط 

يعني الجزء اللي فوق من شعري زي من قصتي الين قبل الجزء الاخير من شعري ناعم

ومن تقريبا نص إذني وتحت مموج شويا :/ 

ودآآئما كل ماروح مشغل لآآزم يقولولي : شعررك مرره غريب :P

- شعري قليل مرره بالذات من قدآم ويتسااقط بشكل رهييب كمآآن :(

.
.

هذا كان روتيني من 6 شهور تقريبآآ << عدا علبة دوف , آشتريتها قبل 3 أسآبيع ولسا جآلسه أجربها وكريم العنآيه من لوريال آشتريته من شهر تقريبا !


بالنسبه للنتآيج :
شعري مررره اتحسسن عن أوول كيف :
- التسآقط خفف مرررره مرره
- سار أنعم من أوول كمآن 
بس طبعا لسا زي ماهوا قلييييل لأاني لسا ماني جالسه أستخدم حاجه تكثر الشعر
بس قرييبآ ان شآآء الله :)

مرره حبييت الحآجات اللي بأستخدمها حاليا! 
.
.

نبدأ بأول خطوه :

شامبو تريسمي 

- مقآوم لتساقط الشعر

-  لتساقط الشعر وللشعر الضعيف

- بـ فيتامين B12 + الكيرآتين

والكيراتين بشكل عام حينفع شعررك إذا كان مصبوغ أو كنتي عآمله فررد .

أنا شعري مصبووغ طبعا!

أتععب وأنا أقول مررره جمييييييل ♥♥♥

هوا السبب اللي وقفلي التسااقط !!

ثآني خطوه :

بسلم Weightless body & volume

- يحتوي على بروتين الحرير والكولاجين 

 يعطي شوية فوليوم بعد ماينشف شعري !!

 أحطه ع شعري تقريبا من 2 - 3 دقايق
ماخليه يوصل للجذور .. بس ع الاطرآف وهيك 
وبعد كذا أغسله :) 

كريم العنايه من لوريآل !
"زي البلسم بالزبط"
برضو لتساقط الشعر وللشعر الضعيف.
مستمره عليه من شهر تقريبا ! قبل كنت ع حق تريسمي 
بس شفت هذا وقلت أجررب ليه لا :)
وآثنيناتهم مرره كويسين }
♥.♥

تقدرو تستخدموه بعد البلسم بس بالنسبه لي أفضل إني آستخدمه بدون البلسم 

أحطه ع شعري لمده دقيقه بس , وبعد كذا أغسله 
يتحط على كل الشعرر , من الجذور الين الأطرآف 

ثآلث خطوه :

مآسك مغذي من دوف 

عباره عن :

"خلطه فريده من زيت اللوز الطبيعي والزيوت المعدنيه ذات الجوده العاليه ,

يتم امتصاصها بسرعه لتغذي الشعر بعمق ويزود الشعر بالمغذيات الطبيعيه "

جمييل مرره وحستمرر عليه الين مآخلص العلبه آن شآء الله ♥

أستخدمه كل أسبوع , ملمسه زي البلسم تقريبآ! أحطه 5 دقايق وأغسله .

رآبع خطوه :

بعد مآنتهي من الشاور , أستخدم هذا المعالج من ذا فيس شوب !

أحط شويا منه ع شعري وهوا لسا مبلوول ..

إذا تبغو تعرفو فوآيده أكثرر آفتحو الرآبط 

أولريدي عملتله ريفيو ^^

♥

here

رآبع خطوه :

أنبوبآت معالجه كثيفه لجذور الشعر ولتساقط الشعر كمآآن !
العلبه الوحده تجلس معاك شهر .. بما إني أشتريت علبتين ف استخدمتها شهرين .
صرآحه ماشفت أي نتييجه :|

كيف طريقة استخدامها :
بعد ماتخلصي استحمام تقسمي شعرك لـ فرق , وبعدين تبدأين تحطينها على جذور الشعر 
مو الشعر بس الجذور , وتسوين مساج خفيف للجذور.

زي ماقلت : صح مانفعت معايا بس يمكن تنفع معاكم أو ممكن لو استخدمتها لفتره أطول
ممكن تجيب نتيجه ... مآدري :|

زيت هندي آستخدمه بين كل فتره وفتره 
بيحتوي ع حآجآت كثير بس صرآحه ماقدرت أقرآها xD مدري بأية لغه مكتوبه 
بس من ضمن الاشياء كاتبين :
زيت جوز الهند + حليب البقر 

آستخدمته يوم بعد يوم لمده شهر !
وطولي شعرري مرره , بس ماحسيته كثر شعري أبدآآ اللهم أنو نعمه بشكل ملحوظ وطوله كمان!
.
.
وبسس....هذا روتيني الحآلي , ولو آشتريت مثلا زيوت ماسكات حاجات زي كذا حرجع أضيفها هنا بعد ماجربها فتره !!!

Bye Bye 
✿  ‿ ✿