ويك إند سعييد للكل يآرب ❤😍 انبسطـو أقووى شي :)
بمآ إنه ويك إند ، وقت لمة وجمعه وطلعات جميلة قلت :
ليش م أشآرككم طريقتي في البآستا ❤.❤
اليوم إذا مسوية جمعه صحبآت وحركآت سويها ع العشآ 😍
المقآدير :
* مكرونة
* نص حبة بصل
* حبة فلفل أخضر
(طبعا فيكي تضيفين أي شي إنتي حآبته ، بإمكآنك تضيفي دجاج فيليه
مرره حيطلع لزييز مع المكرونة بس أنا هنا كنت حآبة أسويهآ بطريقة
بسيطة وسريعة )
❤ ❤ ❤ ❤ ❤ ❤
الطريقة :
- تسلقين المكرونة وتضيفين معاها شوية ملح وزيت .
- جيبي صآج وكشني فيه :
- البصل وضيفي معاه : م.ص ثوم بودرة أو طازج.
- بعد مايذبل حبتين ضيفي الفلفل الأخضر وضيفي معآه :
م.ص فلفل أسود + م.ص معجون طمآطم + م.ص كاتشب
+ م.ص بابريكا + حبة مآجي + م.ك جبنة سآيلة .
- حركيهم مزبوط وخليهم يتسبكو شوية .
- بعد كذا ضيفي كريمة الطبخ وحركي مزبوط
- بعد كذا ضيفي المكرونة وحركيهم مزبوط
وضيفي جبنة موزآريلا لو حآبة ، مرره تحلي الطعم .
❤ ❤ ❤ ❤ ❤ ❤
وبسس..أسهل وألذ من كذا فيه ؟ مآتوقع ✌😁
* ملاحظه صغنونه *
لو حابيين تتعرفو عليا أكثر تابعوني ع الإنستقرآم ✿.✿
حيكون فيه شوية يوميات ، وكمان أبغا أضيفكم وأتعرف عليكم ياخي :")
ماحيكون شي مرره رسمي أبغاه يكون بسيط ولطيف كذا! ❤
No comments:
Post a Comment